Amdanom Ni

Mae ymwelwyr yn aml yn disgrifio ein cartref yn y Goleuad fel Tardis, â’i ddyluniad mewnol modernaidd yn gwrthgyferbynnu’n llwyr â’i gragen hanesyddol, sy’n dyddio ‘nôl i’r 19eg ganrif.

Prif gofod yr adeilad yw stiwdio sgrîn werdd fawr, un o’r mwyaf o’i math yng Ngogledd Cymru. Mae 15 o ystafell golygu, pob un wedi’i gysylltu trwy’r storfa rhannu NEXUS.

O’r creu i’r cyfleu – mae Cwmni Da yn cynnig gwasanaeth cynhyrchu cyflawn.

Mae ein cyfleusterau ôl-gynhyrchu yn cynnwys 4 peiriant ‘ingest’ a 15 o weithfannau Avid, pob un â monitor fideo, sain llawn a meicroffonau trosleisio. Mae ein hystafell gwir olygu Symphony yn cynnig ategion Baselight, Boris a Saffire. Mae gennym nifer o adnoddau chwarae yn ôl, a gallwn ymdrin â fformatau digidol amrywiol. Yn ganolog i’r adnoddau ôl-gynhyrchu mae ystafell beiriannau bwrpasol a llu o ystafelloedd golygu cysylltiedig.

Mae gennym ddwy ystafell ôl-gynhyrchu sain, y ddwy wedi’u cynllunio’n arbennig ar gyfer ôl-gynhyrchu teledu. Mae’r ddwy yn defnyddio meddalwedd Protools HD llawn gan gynnwys desg gymysgu, meic trosleisio ac mae dau bŵth trosleisio annibynnol. Mae’r adnoddau’n cynnwys talkback, monitor lluniau maint llawn ac adnoddau dal fideo a chwarae yn ôl.

Mae ein hadran graffeg yn defnyddio’r Adobe Suite llawn, gan gynnwys After Effects a hefyd meddalwedd Cinema 3D. Hefyd mae gennym ystafell paratoi a dosbarthu ffeiliau sy’n cyfleu cynhyrchiad gorffenedig o fewn munudau i ddarlledwyr.