Mae’r casgliad yn cynnwys 1000au o oriau o gynnwys o’r 25 mlynedd diwethaf, o raglenni ffeithiol a dogfen i gyfresi adloniant ac allbwn chwaraeon.
Mae cyd-Bennaeth Hawliau a Pholisi All3Media, Dale Grayson a Kay Page, yn goruchwylio gwerthiant clipiau, gan weithio’n agos gyda chwsmeriaid i nodi cynnwys a llywio hawliau.
Wrth siarad cyn yr Wŷl, LA Footage Fest yr wythnos hon, y digwyddiad diwydiant sy’n dod â phrynwyr a gwerthwyr clipiau o bob rhan o’r byd at ei gilydd, dywedodd Kay Page: “Yn ogystal â darparu mynediad i filoedd o oriau o gynnwys All3Media trwy ein catalog gwerthu clipiau, rydym hefyd eisiau gweithio gyda, a chynrychioli, y cynhyrchwyr trydydd parti gorau oll. Rydym yn falch iawn felly i bartneru gyda Cwmni Da, mor fuan ar ôl lansio All3Media Clip Sales. Mae ganddyn nhw gatalog rhagorol, wedi’i adeiladu dros 25 mlynedd ac rydyn ni’n hyderus y bydd galw mawr am eu cynnwys.”
Dywedodd Rheolwr Gyfarwyddwr Cwmni Da, Llion Iwan: “Rydym wrth ein bodd yn gweithio gydag All3Media Clip Sales i arddangos ein llyfrgell o gynnwys i gynulleidfa ehangach o gynhyrchwyr ac ymchwilwyr. Mae gan Kay a Dale gymwysterau rhagorol yn y maes hwn ac edrychwn ymlaen at ein partneriaeth.”
Negydwyd y cytundeb cynrychiolaeth gan Dale Grayson, Cyd-bennaeth Hawliau a Pholisi yn All3Media, a Phil Stead, Pennaeth Materion Busnes Cwmni Da.
